أكد إبراهيم فايق، الإعلامي والمحلل الرياضي، أن انتقاده أمس، الأربعاء، لسيد عبد الحفيظ، مدير الكرة بالأهلي، جاء نتيجة فشله في ملف تجديد تعاقد ثنائي الأهلي أحمد فتحي وعبد الله السعيد، مشددا على أنه سبق وأن أشاد به، وصرح بأنه أفضل مدير كرة بالدوري الممتاز. وقال فايق، في تغريدات عبر حسابه الرسمي بموقع التواصل الاجتماعي "تويتر"، إنه سبق وهاجم مرتضى منصور، رئيس نادي الزمالك، ولم يعترض أحد، بينما عندما انتقد مدير الكرة بالأهلي أكد البعض أنها مجرد تصفية حسابات. وأضاف: "سيد عبد الحفيظ أنجح مدير كرة أنا قلت كده، وهو لما أنتقده في ملف فشل فيه، يبقى تجاوزت؟! أنا ملتزم بقواعد النقد لا تجاوز ولا سباب، ولو تكرر الأمر هعمله مش أنا اللى بحسب حسابات إني أفقد ضيف أو مصدر علشان أخبي معلومة، أنا مش بطبطب علشان مصلحة زي ناس كتير، بقول الحق وخلاص".وكتب أيضا: "لما كنت بنتقد رئيس الزمالك وأقوله محدش أكبر من النقد كنت ببقى أعظم واحد في الكون، ولما انتقدت سيد عبد الحفيظ بقيت بصفي حسابات علشان لازم يبقى ورا نقدك غرض، كنت عملتها سنة كام أصلا؟! لما كنت بدافع عن بيبو كنت عظيم ولما وضحت مشكلة تجديد أصلا مصر كلها شايفاها بقيت وحش".وتابع: "للمرة المليون علشان كل كداب زفة معندوش شغلانة وعمال يقولك أجاي، قسما بالله أجاي حلقته اتأجلت لبعد ماتش الداخلية ما تلغتش وإيه مبرر إن انتقد حد علشان حلقة اتأجلت؟! جاتني معلومات في تجديد الثنائي وقولتها وانتقدت سيد عبد الحفيظ ولو اتكرر الموضوع هعمله ألف مرة، ده شغلي أقول اللي بيحصل".