كشف الفنان مصطفى خاطر عن أكثر المواقف الصعبة التى مر بها كممثل خاصة فى بداياته وقال فى تصريحات لـ"البوابة ستار":" لا يوجد ممثل لم يمر بمواقف صعبة، وكل منا مر بمواقف «رخمة»، و«سخيفة»، خاصة فى بداية المشوار المهنى، مثلا رايح تشتغل فى مسلسل بيطلب منك أوردر: «تعالى دلوقتى»، وبيدوك ورقة ويقولولك «خش قولها»، ومفيش لا مخرج أو حتى مساعد مخرج يقعد معاك يفهمك، وتلاحظ أنه قبل ما تتعرف، الناس كلها بتكون متضايقة منك من غير سبب، وبيضحكوا عليك ويتريقوا خلف الكاميرات، مع أنك المفترض ممثل مبتدئ ولسه فى بداية التمثيل، أكيد مش بروفيشنال وطبيعى إنك تغلط، ومش عارف مثلا مكان إضاءتى أو المارك اللى أقف عندها، ولحد دلوقتي بشوف ناس بيتعمل معاها المواقف دى، بس للأسف التفاصيل دى بضايق جدا، وممكن تخلى أى شخص ميكملش فى التمثيل حتى لو هو موهوب.