القدس - دشنت جمعيات ثقافية فلسطينية أنشطة مهرجان "ليالي القدس" في القدس الشرقية بهدف إحياء الثقافة والحياة الفلسطينية في المدينة القديمة. تشمل أنشطة المهرجان عروضا موسيقية وراقصة في الشارع وجولات وأسواقا وعروضا مسرحية وأنشطة أخرى عديدة تُنظم بين 21 مارس/آذار وحتى الأول من أبريل/نيسان. ومن بين منظمي المهرجان شاب يدعى بيسان أبوعيشة قال "البرنامج اسمه استكشاف القدس، والحوش (حوش الفن الفلسطيني) عم بشتغل عليه من فترة زمنية معينة. هدف المشروع اللي هو أخذ الفن من حيز الغاليري، اللي هي المساحة البيضاء اللي بيتعلق عليها دائما صور وبنعرض فيها أفلام لمساحة الشارع". وقالت زائرة للمهرجان تدعى آلاء القاق عنه "مهم لأنه أنا فتاة مقدسية وكمان باحب وباشجع إنه كل حدا حتى لو ما كان مقدسي، فلسطيني، أو حتى من دول أجنبية، ييجوا ويشوفوا القدس حية، البلدة القديمة حية والناس المقدسيين اللي هم كمان مشاركين في هذه الأعمال وقد إيش إنه نحنا كفلسطينيين ومقدسين جدا مهتمين بهذه الأمور وبنهتم إنه كمان يكون فيه إطلاع على عدة معلومات فيه ناس كثير ما بتعرفها وأهالي البلد ما بتعرفها". وقال أحد القائمين على المهرجان ويدعى حمادة محاح "الفكرة هي انطلقت إنه ينقام ورشة نحت بالبلدة القديمة، خصيصا ضمن مهرجان ليالي القدس إنه بهاي الأماكن تقريبا شوية الوضع مهمش من ناحية فنية أول شيء. وحبينا النحت يكون إنه يخرج من الأماكن المغلقة اللي دائما هو لناس محددة أو بها المعنى. والموضوع الثاني إنه يوصل لأكبر عدد من الأطفال أو من الناس. وتحاول الناس كمان تشتغل بمادة النحت كونها هي كمان لها علاقة بالمبنى القديم والعمارة، وتاريخيا وكمان نفس الشيء تطوير الحالة الثقافية الفنية عند الناس يعني". وأعلن الرئيس الفلسطيني محمود عباس مؤخرا أن القدس عاصمة الشباب الإسلامي لعام 2018 وذلك ردا على قرار الإدارة الأميركية بشأن الاعتراف بالقدس عاصمة لإسرائيل.