قال الفنان ماجد المصري إنه يفضل أدوار الشر لأنها تستفز المشاهد، و"فيها أكشن شر أكتر"، ولأن تفاصيل الشخصية تكون أحلى بالنسبة لي. وتابع المصري فى تصريح خاص للبوابة ستار: "ولكن فيه أدوار تانية فيها قيم وأخلاق على حسب الدور مكتوب إزاي، ولكن أى دور لو كان خيرا أو شرا لا بد أن يكون فيها شىء مختلف، أيا كانت دراما أو سينما، لأنى فى الآخر بأكون عايز رد فعل جمهورى إنى عملت دور حلو". أما عن رأيه فى الاكشن فقال:" الأكشن تقدم جدا فى مصر، ولكن أنا أرفض الأكشن من أجل الأكشن فقط، ولكن لا بد أن يأتى من سياق درامى مقنع، مش لمجرد الاستعراض، مثل الأغنية داخل الفيلم، لازم يكون ليها مبرر ولحظة، وتكون جزء من السياق الدرامى".