بعث سيد حمدي مهاجم الأهلي السابق برسالة خاصة لحسام غالي قائد الفريق الأحمر عقب قراره الاعتزال فى مؤتمر صحفي اليوم بمقر النادي الأهلي بالجزيرة .وكتب سيد حمدي عبر صفحته على موقع التواصل الاجتماعي " فيس بوك " معلقا على اعتزال حسام غالي قائلا: " أول مرة نتقابل أنا وهو كانت في المنتخب، وقتها كنت أنا في بتروجيت وقعد يزعق لي في التمرين، وبليل أقعد معاه عادي وكنت بنام معاه في أوضة واحدة، ولما كان ينام بدري يخليني أنام غصب عني، ومن جوايا كنت مضايق، وكنت أقوله ليه بتعمل كدا معايا، يقولي آخر البطولة هتعرف، كانت بطولة ودية وقتها المهم خدت أحسن لاعب وهداف البطولة ومن يومها لحد وقتنا الحالي عرفت أني كنت بلعب مع لاعب كبير بمعنى الكلمة.. هتحرمنا من متعة كرة القدم وداعا كابتن حسام غالي.