ألقى ألشاعر والإعلامي سالم حمدان الشراري قصيدةً ترحيبيه بمناسبة زيارة صاحب السمو الملكي الأمير بدر بن سلطان بن عبدالعزيز آل سعود حفظه الله امير منطقة الجوف لمحافظة طبرجل خلال زيارته التفقدية للمحافظات التابعه لمنطقة الجوف والتي شملت محافظة طبرجل هذا اليوم 8 / 7 / 1439هـ حيثٌ ألقى الشاعر والإعلامي سالم حمدان الشراري قصيدته الترحيبه أمام سموه الكريم والتي نالت استحسان الجميع بسم الذي ماله شريك لحـاله ربا عظيمــاً .. ماسجـدنا الا له أبــدا ولاغيــره عليــه التــكـلا سبحـانه الله نستظــل اظـلاله اللهم احلل عقــده امن لساني واشرح لصدري من غثا يجتاله وبعد : بالمعنى نجيب المعـنى ولاهو بشعــر ان ماغداله هاله تو الشهر تــوه .. هلالـه : هـلل باول ليــاليــنا .. نـزل منــزاله هذا حسب تقويمــنا بالهجري لكــن يظهــر بالليــال اعجــاله شفنا البدر كامل عليـنا الليــله ياحي من نــوّر سمــانا اقبــاله يوم ابتسم واشرق عليــنا نوره يافـال خيــر .. وفالنــا من فاله هذا ولد سلطان من به يجهـل سلطان سلطان الكـرم وجـزاله سلطان امير الخير من لا يذكـر دوره .. ولازالت عظيم افعااله تجري .. وكلا له دعى من قلبه يالله عسى الجنــه جزا لاعماله وهذا بدر ورثه وطبعه _ طبعه النـو : نـوه .. والخيال : اخيـاله والله وهبــه لجوفنا .. واختـاره لوهي حمل حمله : وهو شياله ثقة ملكنا فيـه .. ماجت صدفه إلا لأنــه .. قــد مـا هــو ناله يااارب .. نق بطانته ، واصلحها حتى البلد فيهم .. تصح احواله والله يسـدد خطــوته ، ويعيــنه وحنا معـه عضــده وقد القــاله إلى صوير من الحديثه .. واحـد ناقف ، ونوفي كلنـا مـن اوفــاله يــ الله حي آميــرنـا .. في حــلّـه ماشافك احد إلا وشرحت لبـاله وهذي طبرجلنا زهــت بقدومك وبعيـونها ي البدر صرت الحاله سلة غذاء المملكه .. فرحت بك والــدر صبــه .. ما وقـف شلاله بالجوف حنا بالعهد : من سالف ماضي ولانا .. للسعــود طواله بارواحنا نفدي : ثرا هالموطن فعـل فعـل .. ما هو حكي قوّاله كم من شهيد ومن بطل نفخربه يوم الوطن عزه بفعـل رجـاله وحنا ورى القايــد .. وما به يامر الراي رايــه .. والرجــال رجـالـه سلمان سلمان الحــزم والهيــبه من دب بقلــوب العــدا زلـزالـه هو للعــرب سِـيـْـد وإمام الأمـه الله وهـبــه الحكمــه .. وهيــاله خدم حرامينه .. وحتى المقدس لنصـرته جهــده وهــو يسعــاله ما احدًا يجاري خطوته لا سنّــد واللي تنــابـح بالسفــوح حثــاله وتسلم يميــن اللي يميــنه دايـم العــزم عزمــه .. لا نوى حنــا لـه رهـن الإشــاره .. للفريد : محمد فـوق الهجــن ، والا نجي خيّــاله في رؤيتــه نرقى .. صعيـد العــزه ولا احداً يطــول بشرقنــا ماطاله عينه سما صوب البعيــد الشاهر يــوم القــزم عينــه لحــد نعــاله الخايــن اللــي يعتــزي بــعــدانا وجهــه عليــنا .. معرّصــا بعقـاله هذا الوطن .. ماهو بلعبــة جاهل للحــوثي المنبــوذ .. والا اذيــاله هذا الوطن صرحـًا عظيما صرحه حتى الدول .. وهـي دول تلجاله الغرب تحسب له حساب وحسبه منــه ، وعليــه .. وفودهـا رحــاله الله يــعــزه .. ويــتـهــنى بــعــزه شعبه .. وتنصر بالحــدود ابطـاله سالم حمدان الشراري محافظة طبرجل _ الجوف