وجه الفنان عمرو سعد رسالة إلى جمهوره بعد قرار تأجيل عرض مسلسله "بركة" وخروجه من المارثون الرمضانى، ونشر سعد صورة له من بوستر المسلسل على صفحته الرسمية بإنستجرام يظهر خلالها ورأسه بين مسدسين وكتب عليها: "كان نفسي أكون معاكم في رمضان السنة دي، بس الظاهر أني اتضرب عليا نار، بس أنا عاوز أقولكم إن اللي بيعيش في القلوب ما يموتش أبدا، وبركة زي الدهب قيمته فيه وراجع بحجم الحب والثقة والاحترام المتبادل وقريب هاقولكم علي كل التفاصيل علشان الكلام كتير والإشاعات أكتر، وأنا عمري ما تاجرت بمعاناة وإلا اتكلمت عن نجاح ولا تباهيت بشهرة لأني مؤمن من أول يوم طلعت على أفيش أول أفلامي أن بطل الناس واحد منهم ودعيت ساعتها من ربنا أني ما اتغيرش واظن ربنا استجاب علشان أفضل طول عمري شايف بعيونكم وحاسس زيكم "، وأضاف سعد: "أنتم تاجي وأهلي وعزوتي وناسي وحمايتي ضد اَي قوة بتفكر توقفني، الصدق بيوصل والأفضل بيعيش ويستمر ويلاطم الزمن بكل بلاويه.. الحمد لله على كل شيء والشكر ليكم وكل سنة وأنتم طيبين".