قال أهالى درب الصيادين فى منطقة ميت عقبة، إن المسئولين رفضوا توصيل الغاز للشارع، رغم قيام شركة الغاز الطبيعى بتوصيل الغاز للشوارع والحارات المجاورة.وناشد سكان المنطقة النائب عبدالرحيم على بالتدخل، وحل المشكلة من خلال التواصل مع المسئولين، وتحدث شحاتة محمد لـ«البوابة»، قائلًا: «بدأ توصيل الغاز لكل الشوارع المجاورة والحارات، وعندما وصلوا لشارعنا، قالوا إن الأرض لا تصلح وسنضطر لتوصيل مواسير مرتفعة، ومن يومها ما حدش سأل فينا».وأضاف: «الشارع اللى جنبنا فيه غاز، واللى قبلنا، واللى بعدنا، يعنى الموضوع لا هيكلف مواسير ولا مجهود، حارة «قرموط» بجوارنا مساحة الشارع متر ونص، ودخل فيها الغاز، وإحنا الشارع مساحته ٤ أمتار، وبيقولوا حجج عشان ميوصلوش».تدخل «كمال الدين كامل» طرفًا فى الحديث، قائلًا: «فى أكتر من شركة غاز، يعنى الشركة اللى ماسكة بحرى ميت عقبة كان فيه حوارى أضيق من كده بكتير، ووصلوا الغاز للمنازل، والشركة المسئولة هنا قالت اصبروا عشان الطلبات ما تضيعش مننا، قولنا ما إحنا هندفع الرسوم وهناخد وصل، ليه التأخير والرفض».واختتم كمال حديثه: «بعتنا شكاوى لرئيس الوزراء وقتها المهندس إبراهيم محلب، وبرضه محدش رد، تواصلنا مع شركة تانية قالوا إن السبب مش فى ضيق الحارة، لأن الحارة اللى بجواركم أضيق من حارتكم، كل الأزمة إن الشركة مش عايزه توصل الغاز، لأن فيه منازل لا تطابق مواصفات الشركة، إيه المشكلة لو وصلوا الغاز للمنازل المطابقة فقط، يعنى يعمل الوصلة العمومى، ويسيب البيوت اللى مفيهاش مطابخ».