أثار منشور للقس جوناثان رفعت، عبر موقع التواصل الاجتماعي "فيس بوك" حول لاعبي المنتخب الوطني محمد صلاح وأحمد الشناوي، جدلا واسعا، بين مؤيد ومعارض، حيث أثنى المؤيدون على وجهة نظره، فيما رفض آخرون تطرق الكاهن لأمور ككرة القدم، وكان المنشور كالتالي:"كلنا زعلنا أوي علي محمد صلاح، وأنا زعلت على إصابته، وعلي الوقت كمان، لكن اللي جنبه ده أحمد الشناوي حارس مرمى الزمالك اللي اتحرم من لعب كأس العالم لإصابته برباط صليبي، ودي الحاجة اللي عاوز اتكلم عنها، إحنا زعلانين علي صلاح علشان مصلحة المنتخب، وعلشان لاعب محترف بمعني الكلمه، وفخر لينا كلنا، وكلنا حطينا إيدينا على قلوبنا لأن لو ماكانش هايبقي موجود في كأس العالم هايبقي منتخبنا في خطر، ولكن كل الخوف ده جنبه كلمة (علشان) لكن أحمد الشناوي فعلا مش هايشارك واتصاب إصابة أشد وأعنف بس محدش زعل عليه زي صلاح عارفين ليه؟ علشان في البديل، وهما دول الناس وطبيعتها طول ما في بديل عنك. مش مهم بقي تعبك وكسرتك وضياع حلمك مدام في بديل هايقدر يفرحني ويحقق حلمي، طب ووجعه هو وكسرته هو وحلمه هو؟؟!! مش مهم بقي حظه كده المهم في حد بديل الحمدالله، طب وصلاح؟؟! لا مالوش بديل.،لازم نحافظ عليه.. نزعل عليه.. نخاف من أن حتى يجيله شويه برد"وأضاف القس، "عارفين. اهو أنا يمكن حاسس بوجع أحمد الشناوي ده بيقول لنفسه، ده انا أصابتي أصعب، باخد في مكاني ملاليم، حلم حياتي راح، ومالاقتش الحب ده في وجعي، بقت الاصابه اللي خدها من ردود أفعال الناس أعنف من الاصابه اللي وقفت حلمه، للاسف طول ما ليك بديل جرحك وكسرتك يتقالها( لا نصلي ومعلش ده قدرك واكليلك) لكن لو مالكش بديل ممكن يعملوا المستحيل علشان كسرك يتلم بسرعه، لو لقيت ان وجعك عند اللي حواليك بياخدوه بكلمه وقت وهايعدي اعرف ان الوقت اللي بعده الزمن هايقف عنده والخربوشه هايبقي ليها عندك حساب، كسر الناس واحد بس احنا اللي بنميزه علي هوانا"وصحب المنشور صورة تجمع لاعبي المنتخب محمد صلاح وأحمد الشناوي، فيما حاول القس إيضاح أن سبب المنشور روحي وأخلاقي ومعرفي وليس كروي، لمواجهة سيل الهجوم عليه.