أعلن المخرج بيتر ميمى، عبر حسابه بموقع التواصل الاجتماعى "إنستجرام"، تعاقده على فيلم جديد بعنوان "حملة فرعون"، مؤكدًا أنه سيكون أضخم إنتاج في عام 2019 حيث أنه مقتبس من فيلم "الساموراى السبعة". وعن اقتباس الأفلام من أفلام أخرى استعرض ميمى عددا من الأفلام المقتبسة من أفلام أخرى، قائلًا: "المفروض إن شاء الله عندى فيلمين الفترة اللى جاية وحبيت أقول كلمتين قبل الخبط والرزع والهبد والهرتلة بتاعت العيال الجامدة هما كالتالي:١- سنة ١٩٥٤ تم إصدار فيلم (الساموراي السبعة) في اليابان من إخراج (اكيرا كوروساوا) بيحكي عن قرية يحكمها قطاع الطرق وأهلها استعانوا بشخص قام بتجنيد ستة رجال آخرين لمحاربة العصابات.٢- سنة ١٩٦٠ قام المخرج الأمريكي (چون ستورجس) باقتباس القصة في فيلمه (العظماء السبعة) the magnificent seven لـ(يول براينر) و(ستيڤ ماكوين) بس الموضوع بقى رعاة بقر وكده.٣- سنة ١٩٨٠ المخرج (چون موركامى) اقتبس الفكرة لكن في الفضاء في فيلم (battle beyond the stars).٤- سنة ١٩٩١ تم إصدار فيلم (شمس الزناتى) للمخرج (سمير سيف) ومن تأليف (مجدى هداية) بطولة (عادل أمام ) و(محمود حميدة).٥- سنة ٢٠٠٤ تم إصدار مسلسل الكرتون (الساموراى السبعة) في اليابان.٦- سنة ٢٠١٦ تم إصدار فيلم (العظماء السبعة) من إخراج (أنطوان فوكوا) بطولة (دنزل واشنطن) وتأليف (ريتشارد وينك).وأضاف: "المهم أنا مش عايز أقول إن فكرة الـ (remake) أو الاقتباس موجودة بس عايز أقول إن في ٢٠١٩ إن شاء الله استنوا فيلم (حملة فرعون) مستوحى من الساموراى السبعة وإن شاء الله مفترض يكون اضخم إنتاج في ٢٠١٩ ربنا يكرم ويكون عمل محترم وشكل مختلف من أفلام الأكشن».