كشف الفنان تامر حسنى عن تفاصيل البومه الجديد وهو بعنوان "عيش بشوقك" ، والذى من المقرر طرحه فى الفترة من المقبلة عبر صفحته على موقع التواصل الاجتماعى فيسبوك. وكتب تامر: "نهاركم جميل إن شاء الله، سألتوا كتير عن ألبومي الجديد وقولتلكم إن غيابي ده عشان أعمل أفكار جديدة تليق بجمهور عظيم زيكم وتليق بمشواري وبمكانتي كمطرب مصري عربي".وأضاف تامر قائلا : "الألبوم ده أخد مجهود كبير من سنتين لحد النهارده وأنا كل يوم بشتغل على تطويره وإصداره بشكل مش تقليدي وخارج الصندوق المعتاد.. الألبوم ده انا بعتبره محطة جديدة ليا في حياتي من حيث الفكر والموسيقى والجودة وأنتو أكيد هتلاحظوا ده الفترة الجاية.. المهم بدأ خلاص العد التنازلي لإصدار الألبوم وكل يوم هيكون في جديد بتعرفوه لحد ما يطلع للنور إن شاء الله".واوضح حسني: "ألبومي القادم اسمه (عيش بشوقك) كلمات: مصطفى حسن ألحان: بلال سرور توزيع: بلال سرور وهاني محروس، وهي أغنية مبهجة غير تقليدية تمامًا وفيها حالة يمكن بتمس معظمنا..الأغنية من إخراج المخرج الكبير هادي الباجوري".وأشار حسنى الى أن بكره أن شاء الله هينزل أول ميكينج أوف لأغنية (وأنت معايا) اللي بتجمعني بأستاذي النجم الجزائري الكبير الشاب خالد وهتشوفوا كواليس الأغنية وكل مراحلها الكليب للمخرج اللبناني الكبير سعيد الماروق".