البن بني عمره ما يتلون ...والصعب صعب عمره مايتهون..ولو فكرت تهونها ..تلاقيها اكتر من الاول..والاول ملهوش اخر..والاخر داخل في الداخل..وعشان الصح يبان ..ماينفعش يكون بني ..بس البن بني ...بن.. بس ما يعدلش المزاج العالي..بن بس يتظبط لللي سعره غالي..والغالي حتي لو معيوب..مايصحش يدوق المضروب ..اصل البن بني..بن وأصله ممرر..والسكر طلع مزور..لا ده ينفع يحلي..ولا ده في اعلان يتصور....بس في الاخر اتصور..والصوره طلعت غامقه بني ..ولاحدش ينفع يطولني ...اقول كل اللي عايزه ....ولاحدش ينفع يقولي ..اصل البن بني..بن محمص ناسه ..والاخضر كان اساسه ...تعلا مهما تعلا .تنزل..تبقي مداسه ..والحاله فيها مدفون ..والصفة دايما مركون ..ويوم ما العقل يكبر. يبقي بن مطحون ..بن مطحون ..بس صاحبه مديون...لا ينفع يتكلم ولا ينفع يقول ...يمشي ورا مجنون ..ويجنن العاقل ..ما البن بني..بني والبخت في ميه مغليه ..ولو عليت النار تبقي قضيه ..سيرتك فيها مخفيه ..وقيمتك مع ناس تبقي معديه ومع ناس تانيه ماتجبش تمنها..والبن بني.صحيح بني بس ضربها طناش..والضمير نايم مابيصحاش ..يصحي علي نيه سليمه ..ورده شوكها بيشوك.....تشمها اصيله زي البن المحوج..بس ياخساره محوج ..ومن غير وش ..ساده ومفيش معلش ..وعشان معلش عايزه كتير ..اشربها زي ماتشرب .و..مشييها بالكافيين ..اصل البن بني .. والبن مايتلونش..