نشبت مشادة حادة على الهواء بين كابتن مجدي عبد الغني، عضو مجلس اتحاد الكرة، والناقد الرياضي أحمد عبد الباسط، بشأن اختيار المدير الفني الجديد للمنتخب، وقال "عبد الباسط": "ما ينفعش تضلل الرأي العام ولا تضحك عليهم، انتوا مش بتطلعوا الحقيقة".ورد "عبد الغني"، خلال مداخلة تليفونية مع الإعلامي معتز الدمرداش، ببرنامج "آخر النهار"، المذاع عبر فضائية "النهار وان" مساء أمس، الأربعاء، "أنا مش بضلل حد ولا بضحك على حد، محتاجين نسمع بعض، والصغير يحترم الكبير، وكل مكان فيه خلاف"، مؤكدًا أنه لا يوجد أي فائدة ستعود إليهم من تضليل الرأي العام.وقال الناقد الرياضي: "الاتحاد مش منظم، والدليل إللي عمله مجدي عبد الغني في المؤتمر بعد عودته من روسيا، وحققوا معه"، ورد عبد الغني: "إنت كتبت عليا إني حرامي، أقسم بالله اللي بتقوله محصلش، وأقسم بالله ماحدش حقق معايا، إنت بتقول كده علشان مقبلتش أطلع معاك في البرنامج، وكل إللي بتقوله كذب وافتراءات، إنت عارف أنا مين وابن مين".وأضاف "عبد الباسط": "أنا لو منك وصحابي في الاتحاد اتهموني الاتهامات دي أحترم نفسي وأستقيل"، ورد "عبد الغني": "إنت مالك أستقيل ولا لا، وأنا بحترم نفسي، و انت لما تكتب خبر غلط استقيل".