قال الشيخ خالد الجندى، عضو المجلس الأعلى للشئون الإسلامية، إن إقامة الصلاة تعد حملًا ثقيلًا عند بعض الناس، مشيرًا إلى أن السبب وراء ذلك تقييد النفس.وأضاف "الجندى"، خلال حلقة برنامجه "لعلهم يفقهون"، المذاع على فضائية "dmc" اليوم، الأحد: "تلاقي الواحد يتفرج على الماتش، بكل تفاصيله، ويرغى مع أصحابه طول اليوم، لكن تقوله قوم صلى العشاء، تلاقيه فى حالة ثقل ما بعدها ثقل، حاضر شوية، الصلاة فيها تكتيفه، تضع يدك اليمين على اليسار، التكتيفه دى هى القصة، مين يقدر يكتف نفسه عشان خاطر ربنا".وتابع الجندى: "ربنا قال الصلاة كبيرة إلا على الخاشعين، معنى ذلك الخاشع دايما بيحب تكاليف ربنا، زى الست اللى بتحب زوجها بتكون مستمتعة فى وجوده، لكن ولو بتكرهه يا ساتر يا رب.. اللى عاوز يكون عبد لله يصلى، اللى عاوز يطلق يدور على حل شعره ينقطع"، مستشهدا بالحديث القدسى: "من لم يرض بقضائى .. ويقنع بعطائى .. ويشكر لى نعمائى .. فليرحل من تحت سمائى .. وليبحث عن رب سواى".