قرر الممثل صبري فواز أن يكشف عن رأيه بالصراع الذي بدأ مؤخرًا بين تامر حسني ومحمد رمضان منذ أمس حول النجم الأعلى إيرادات بموسم عيد الأضحى السينمائي. وكتب صبري فواز من خلال حسابه على فيسبوك: "إحنا كتير ربنا يزيد ويبارك.. وأذواقنا مختلفة.. وكل فولة ولها كيال.. يعنى هتلاقى ناس بتحب محمد رمضان وناس بتحب تامر حسني وناس بتحب آسر ياسين وناس بتحب عمرو عبد الجليل وناس بتحب أحمد فهمى وناس بتحب فلان وناس بتحب علان وناس بتحب ترتان.. انبسط بالفرجة على اللى بتحبه.. وطنش اللى ما بتحبهوش وخلاص".وأضاف: "الدنيا مش على ذوقك انت لوحدك على فكرة ..طب اقولك على حاجة .. مش بعيد تلاقى ناس بتحب صبرى فواز".كان تامر حسني أعلن أنه الأعلى إيرادات وكتب من خلال صفحته على فيسبوك: ""فرحتي كبيرة اوي النهاردة عشان فيلم البدلة في اول ايام العيد يحتل المرتبة الأولى بأعلى إيراد داخل وخارج مصر.. والأهم ردود افعالكم الرائعة المحترمة والأكثر من إيجابية.. شكرًا"، ولكن رمضان قرر إحراجه ليرد عليه من خلال حسابه الخاص على فيسبوك بعد مرور ساعة واحدة على ما كتبه تامر وكتب: "الديزل نمبر وان.. الحمد لله.. شكرا جمهوري الغالي شكرا فريق عمل الديزل".