وجهت الفنانة عبير صبرى رسالة نارية إلى كل من ساهم في نشر شائعات مغرضة بأنها اجرت عملية تجميل بعد إعلان زواجها منذ شهرين من المحامي أيمن البياع. وقالت عبير صبرى عبر صفحتها على موقع التواصل الاجتماعى "انستجرام" مستعينة بصورة لأحمد زكى من فيلم "الحب فوق هضبة الهرم" قائلة : "كلهم كدابين، وعارفين أنهم كدابين وعارفين إننا عارفين إنهم كدابين، وبرضه مستمرين في الكدب وبيلاقوا اللي يصقفولهم .. ولكن الواحد بيترفع عن المرضى النفسيين الكدابين، والناس اللي فشلت تكون شيء، فملاها الحقد والحسد والغل على اللي حقق شيء".وأضافت عبير: "الناس البائسة المريضة اللي فاكرة أنها لما تنشر خبر كذب وهما عارفين إنه كذب عشان يعملوا ترافيك ونسب مشاهدة كبيرة، ويدخلوا المشوهين نفسيا والغيورين والكارهين يطلعوا بؤسهم وسواد قلوبهم ولسانهم اللي بينقط سم فاكرين إن سمهم يقلل جمال روحي أو حتى شكلي .. الواحد ساعتها بيترفع عن الناس المسكينة دي، كفاية النار اللي جوه قلوبهم على رأي المثل مالقوش في الورد عيب قالوا له يا أحمر الخدين".يذكر أن عبير صبري نفت خضوعها لإجراء عملية تجميل، وأن صورها المتداولة في جلسة تصوير رفقة زوجها المحامي الفلسطيني أيمن البياع، معدلة بالفوتوشوب.