روى النائب إلهامي عجينة، عضو مجلس النواب، المشادة الكلامية التي حدثت بينه وبين عدد من الصحفيين، قائلا: «كنت بتحرك بعربيتي وسواق المحافظة اللي راكب الميكروباص اللي فيها موظفين المحافظة وبعض الصحفيين طالع فجأة وكان هيخبطني».وأضاف، "عجينة"، خلال مداخلة هاتفية ببرنامج "90 دقيقة"، على فضائية "المحور"،: «أنا اتحمقت عليه وقولتله خير في ايه رايح فين طول بالك شويه بتجري علي ايه السواق قالي أنا معايا الصحفيين قولتله إيه يعني معاك الصحفيين تموتنا علشان معاك الصحفيين دي كانت المشادة بيني وبين السواق».وأكمل: «وأما دخلنا جوه هما فضلوا يزعقوا برا ويشتموا والمحافظ سأل فيه إيه مدير مكتبه قاله السواق بتاعنا اللي سايق المكيروباص كان هيدخل في عربية النائب إلهامي والصحفيين تدخلوا وزعقوا مع النائب والموضوع بسيط وقال كلنا إخوات».وتابع: «المحافظ قالي يا سيادة النائب دول إخواتك أما نطلع إبقي راضيهم بكلمتين، أنا طلعت من منطلق إن أنا الكبير ودول إخواتي الصغيرين وعلشان رغبة المحافظ واحتراما له».ولفت النائب: «أنه إذا تم مراجعة الكاميرات وأثبتت إن إنا غلطان وشتمت الصحفيين زي ما بيقولوا أنا هعتذر للصحفيين وهبوس رأسهم واللي هما عاوزينه أنا هعمله».