تقدم أحد قراء موقع صدى البلد الإخباري، بشكوى، يتضرر فيها ويئن هو، وساكنو القعار رقم ٩ شارع دكتور محمد حسن الجمل، من عباس العقاد، بمدينة نصر، خلف الجامعة العمالية، من الشركة القابضة لمياه الشرب.وقال المواطن في شكواه، إن شركة المياه بالقاهرة الكبرى تمارس ضدنا الابتزاز بصوره علنيه خاصة وأن العقار المشار إليه آنفا، به 20 شقه، منها 4 شقق مغلقة بصفه دائمه، وعلى الرغم من ذلك، كانت فواتير المياه إلى شهر يونيو ٢٠١٨ تأتي بين ٤٠٠٠ إلى ٤٥٠٠ جنيه في الشهر، متابعا: "وده مبلغ كبير جدا، مقارنه بالعماير المجاورة اللي بتجيلها في حدود ٢٠٠٠ جنيه في الشهر" .واضاف: "مع العلم انه مفيش حد بييجي ياخد قراءه العداد، وروحنا الشركه علشان نشتكي؛ لكن الموظفين كانوا بيمنعوا الساكن المفوض اللي كان بيروح، ويهددونا بقطع المياه، ويقولوا لينا، ادفعوا الأول وبعدين اشتكوا، أو كل واحد منكم يدفع المديونيه الخاصه بيه، ويركب لنفسه موتور وعداد منفصل، وطبعا بتكون النتيجه اننا مش بنوصل معاهم لحل، وبندفع الفلوس.. وفيه أحد الموظفين تعاطف معانا وقالها باللفظ، طول ما بيلاقوكم بتدفعو؛ هيزودو عليكم، ويقولوا الناس دي معاها فلوس، ومش هتفرق معاها، ودفعنا وقتها كل المديونيه اللي علينا لحد شهر ٦ بالكامل، على أمل إن هما هيراجعو الموضوع ويلاقوا ان لينا فلوس هيتم خصمها من الأشهر القادمه، ولكن للأسف فوجئنا بعكس ذلك تماما".واستطرد: "حضر محصل المياه قبل وقفة عيد الأضحى بيوم وجاب ايصالين شهر٧ وشهر ٨ وكانت قيمه الإيصال الواحد ٨٠٢٨ جنيها.. وقال انه هييجي يوم ١٥ /٩، لو مخدش ١٦٠٥٠ جنيها قيمه ايصالين؛ هيقطعو علينا الميه، والاستهلاك المكتوب سبحان الله في الايصالين زي بعض بالظبط ١٣٨٨، وطبعا ده اكبر دليل انه مفيش حد بييجي ياخد قراءه العداد اصلا".وأكمل: "والمفاجأة التانيه ابني ساكن في عماره في القطاميه تابعه لنفس شركه المياه عمارة ١٠ ادوار، كل دور في ٨ شقق، يعني حوالي ٨٠ شقه، مرفق صورة إيصالات شهر ٧ و٨ ليهم استهلاكهم أعلى بـ ١٩٣٧ جنيها، وقيمة الإيصال أقل، ٤٧٠٨ جنيهات يعني فرق ٤٠٠٠ جنيه على الرغم من أنه استهلاكهم أعلى.. واحنا في العماره مش قادرين نستوعب الموضوع ده ومش عارفين ايه الحل كده معدل استهلاك للمياه للشقه الواحده عندنا حوالي ٥٠٠ جنيه في الشهر فهل ده يعقل؟".ويقدم موقع "صدى البلد" الإخباري، خدمة لاستقبال شكاوى القراء والعمل على حلها مع المسئولين من خلال الخط الساخن 5731 أو من خلال رقم واتس آب 01025555056.