قررت السفر إلى القاهرة بحثا عن الرزق، قادمة من صعيد مصر، بعد ما ضاق بها الحال، ورحل زوجها تاركا لها ٥ أبناء، تعيش اليوم بأكمله فى الشارع بحثا عن الرزق، تقف كل يوم من الصباح حتى منتصف الليل تبيع الذرة للمارة، لتتمكن من إطعام أبنائها، ربما طوال اليوم لا تحصل سوى ٣٠ جنيها، فقط هذا المبلغ عليها أن تعيش به وتنفق منه على أبنائها.«نوال» تتحدث عن همها قائلة: «مفيش يوم حاجة فرحتني، جيت من أسيوط قولت يمكن ألاقى مصدر رزق يعيشنى مستورة أنا وعيالي، بس الوضع بقى أصعب من هناك، خدت أوضة فى بولاق الدكرور، وقولت ربنا مش بينسى حد، وبقيت اشترى ذرة واعمله وأبيعه للناس فى الشارع، أصحى من الفجر أجهز، وأقف فى الشارع لحد الساعة واحدة بالليل، لكن مفيش فلوس بتكفى احتياجات ٥ أولاد وسنهم صغيرة، مستنية يمكن حد من أهل الخير ينظر لينا بعين رحمة ويساعدنا، أنا همى الأكبر أعلم عيالي».