روى المخرج رامي عادل إمام، ذكرياته مع ألبومات الهضبة عمرو دياب، الذي طرح منذ أيام، أحدث ألبوماته "كل حياتي".وكتب "رامي"، عبر حسابه الشخصي، على موقع التواصل الاجتماعي "فيس بوك": "في أواخر الثمانينيات، كان نفسي أحضر له حفلة وأول ما سمعت أنه حيعمل حفلة في نادي الجزيرة، جريت وجبت تذكرة بالعافية علشان أكون موجود وبعدين في العجمي، عمل حفلة على البحر وكنت أول واحد موجود فيها وفي التسعينيات، كنت بجري وراه في حفلات الكريسماس ورأس السنة علشان بس أسمع الألبوم الجديد بتاعه وفي الألفية الجديدة، وبالذات بعد تملي معاك، كنت بلفلف في الشوارع علشان أسمع أغانيه وأشوف أخد المزيكا لفين وكان من أحلامي إني أقابله وأتصور معاه وفعلا حصل".وتابع "عادل": "والنهاردة بعد ما سمعت الألبوم الجديد "كل حياتي"، تأكدت أن لقب "الهضبة"، ده مش من فراغ ده نتيجة تعب وشقي سنين وكفاح وصبر وحب للموسيقي غير عادي وأهم حاجة التطور صديقي عمرو دياب الكبير كبير."