شنت الفنانة إيمي سالم هجوما حادا على الفنانة غادة عبد الرازق، بعد منشورها المثير للجدل الذي نشرته عبر حسابها الشخصي بموقع إنستجرام، الذي اتهمت من خلاله إحدى شركات الإنتاج بمنعها من التمثيل وتهديد مستقبلها الفني. وكتبت "إيمي" منشورا عبر صفحتها على موقع "فيسبوك": "إلى الممثلة والزميلة غادة عبد الرازق.. أولا عيب قوي اللي أنت كاتباه ده.. لأن الصراحة الشركة اللي أنت بتشتمي فيها وتتهميها محدش فينا عارف هما شغلوكي إزاي آخر ٦ سنين.. لأن حضرتك آخر أعمال نجحت لك هما سبق الإصرار وحكاية حياة.. بعد كده ولا مسلسل اتشاف ولا اتباع لوحده". وأضافت: "اللي كان متوقع إنك تشكريهم لأنهم شايلينك في كل اللي بعد كده.. على الأقل تخرجي بحسن سيرة وسلوك.. وما ينفعش يوم ما أنهي علاقة مع حد وقف جنبي أنهيها باللي حضرتك كاتباه ده".وتابعت قولها: "أتمنى إن حضرتك ما تكونيش كاتبه الكلام ده وأنت في كامل وعيك... وأتمني إن ده كمان يكون تحت تأثير المهدئات ويا ريت برضه تعرفى إن حضرتك مش مشروع قومي وإن الشعب ممكن يقوم بمظاهرات عشان الملايين اللي حضرتك بتاخديها.. ولا زمايلك وكلوكي تتكلمي باسمهم.. نعقل والنبي.. احنا مش ناقصين".