يعانى سكان شارع وادى النيل، بمنطقة ميت عقبة، التابعة لمحافظة الجيزة، من الانقطاع المستمر للمياه، والتى تعود فى أوقات متأخرة بالليل لمدة ساعة واحدة فقط، ما يشكل عائقا كبيرا على تلبية احتياجاتهم.ويقول «عم محمود»، أحد سكان المنطقة: «هنقدر نعيش إزاى من غير ميه، واليوم اللى ما بنلحقش نملأ فيه الميه بالليل، بنفضل نعانى، إحنا فعلا عايشين فى حالة صعبة، وتعبنا من كتر الشكوى».وتضيف «أم إبراهيم»: «إحنا بنطالب بأبسط حقوقنا كمصريين، إن الميه تتوفر فى بيوتنا، ليه نفضل عايشين فى العذاب ده كله، والموضوع ممكن يتحل بسهولة، لو حد من المسئولين تابع معانا، افتكر دا مش حاجة مستحيلة بالنسبة للمسئولين ثم إحنا منطقة حيوية وبها محلات أكل عيش». وتابع «عم جمال» أحد سكان الشارع ومسئول عن الجامع، «إحنا منطقة حيوية، وبها محلات تجارية كتير، وناس بتحب تدخل تصلى فى الجامع، وبسبب انقطاع المياه لأوقات طويلة بنضطر نملأ مياه للناس عشان الوضوء».