وجه الإعلامي عمرو الليثى، التهنئة إلي المشاهدين خلال تقديمه حلقة اليوم من برنامج "واحد من الناس"، المُذاع عبر فضائية "النهار"، معقبا: «أتمني اننا نكون دايما عند حسن ظنكم».وأضاف: «أتمني إننا نكون بنحقق الهدف اللى بدأنا البرنامج من أجله وهو ما جعله مستمر بفضل ثقتكم وتشجعيكم اكتر من 10 سنوات»، متابعا: «كل سنة وجواكم الخير والمحبة والامل، كل سنة وانتم اقوى بايمانكم بالله ، كل سنة وحياتكم فيها البركة والمحبة، كل سنة ومصر بتتقدم وبتكبر وبتعلن عن ميلاد دولة عصرية حديثة ومستقبل جميل ومشرق كلنا بنحلم به، كل سنة واحنا اكثر رقيا وعظمة وتألقا وشموخا وقوة».وتابع: «كل سنة وإحنا مكملين مع بعض فى واحد من الناس بكل الخير اللى بيقدمه والمساعدات اللى بيسعى فيها والمبادرات المختلفة اللى بتجوب كل محافظات مصر علشان خاطر أهالينا وناسنا الطيبين، كل سنة وإحنا قادرين نسعدكم ونرسم الإبتسامة على شفايفكم وجوة بيوتكم وقلوبكم».