قال الإعلامى خالد عليش عبر صفحته الشخصية على موقع التواصل الاجتماعى الفيسبوك ردا على من يسألونه عن تركه نجوم fm "لكل اللي بيسأل واللي مهتم واللي مش مهتم انا ليه مش في نجوم اف ام السنة دي ،للاسف و ببالغ الحزن و الأسي مش هاكون ضمن فريق نجوم اف ام السنة دي يعني مفيش معاك في السكة ولا موقف ولا هلي في ٢٠١٩"مضيفًا "أسباب كتير هي السبب في القرار ده منها الميعاد الصعب جدا وخصوصا اني بشتغل حاجات تانية منها اني بمثل وغيره ،بس اللي يعرفني كويس في الشغل يعرف اني بحب التجديد دايما ومحبش أقف عند مرحلة معينة من النجاح وخلاص ".. وتابع "نجاحي في نجوم اف ام مكانش معتمد عليا انا بس ، بالعكس انا كنت جزء صغير جدا من منظومة اتشرفت اني اشتغلت معاهم من اصغر شخص لأكبر شخص .. و لآخر لحظة علاقتنا زي الفل يعني مش ماشي بمشكلة ولا حصلت خناقة عشان الإشاعات المغرضة .. وكان من أهم أحلامي اللي عافرت كتير عشان أوصله اني اشتغل مذيع في نجوم اف ام ...وقال مازحًا أنا سايبلكم خالد جواد مكاني عشان الوحيد اللي لقيته اسمه خالد ربنا معاه ان شاء الله ونجوم اف ام كلها في ضهره....انتظرو تفاصيل اكتر عن المشروع الاذاعي القادم في الايام الجاية.