بمجرد أن تخطو قدمك المكان تجد فوضى عارمة لن يخطر في ذهنك أن هناك بشر يعيشون به، حيث الأسقف المتهالكة ومياه الصرف الصحي في المكان بأكمله، فأي إنسان يستطيع أن يعيش في تلك الفوضي.أثناء تجول عدسة "البوابة نيوز" التقت بشاب ثلاثيني لم يطلب الكثير، بل كل طموحه هو مأوي آدمي له ولأسرته المكونة من 5 أفراد، أنه "سعيد أحمد" أحد سكان منطقة غمرة، والذي تحدث عن معاناته قائلًا: "تعبت من العيشة دي بس بنحمد ربنا، العيال بتكبر ومصاريفها بتزيد وأنا مبقعدش ولا يوم من الشغل عشان اصرف عليهم وأغير وضعنا ده، لكن مش قادر أجيب مكان أحسن يلمنا أنا وعيالي..أبويا ربانا أنا وأخواتي أحسن تربية لكن معملناش مكان بس كتر خيره".وتابع: "المكان زي ما انت شايف كدا، حتي قضاء الحاجة بتكون في حمام عمومي بيخدم أكتر من 100 شخص، وأنا شغال ليل نهار عشان اغير الوضع لكن للأسف الحياة صعبة والمصاريف نار".والدموع تملًا عينيه قال: " أنا الأول كنت بتكسف أتكلم لكن خلاص مش قادر كل يوم العيال بتكبر في المكان ده وانا مش قادر أعمل حاجة، ويوميا مراتي تقوم تشيل مياه المجاري اللي بتغرق الاوضة وكل يوم والتاني أخد عيل أكشف عليه من الريحة والأمراض دي".وطالب الشاب بسكن آدمي له ولأسرته وقال "نفسي في مكان آدمي عشان العيال دي تطلع بنأدمين بعيد عن المكان ده، وناشد محافظ القاهرة بتوفير وحدة في إسكان الشباب لتخفيف عنه وعن أسرته.