نشر هانى يونس المستشار الإعلامي لرئيس مجلس الوزراء عدد من الصور لفيلات جاردن سيتي الجديدة بالعاصمة الإدارية الجديدة، التي نفذتها هيئة المجتمعات العمرانية بوزارة الإسكان.وكتب "يونس" عبر صفحته الرسمية على موقع التواصل الإجتماعي "فيس بوك" قائلا: "مساء الجمال.. من شوية نزلت صورتين من الصور دى وسألت حضراتكم .. يا ترى يا هل ترى هى فين؟.. أقولكم أنا..ده شغل هيئة من أفضل الهيئات فى بلدنا.. هيئة المجتمعات العمرانية الجديدة.. ممكن حضرتك تاخد نفس عميييييق جدا جدا وتقول بِسْم الله ما شاء الله.. طب هقول لسيادتك حاجة حلوة .. لما تسال عن التخطيط الرائع والجمال يبقي وزارة الاسكان وهيئة المجتمعات العمرانية الجديدة.. لما تفكر في جودة التنفيذ يبقي حضرتك تقصد هيئة المجتمعات ورجالها .. طب لما تحب تشوف جمال الذوق الرفيع والرقي العالي يبقي أكيد أكيد هو جهاز العاصمة الادارية الجديدة برجاله .. كنّا قلنا من كام شهر قليلين ان وزارة الاسكان بتعمل حى جاردن سيتي الجديدة الجديد فى العاصمة الادارية الكلام دا كان في شهر ٨ اللي فات صحيح ؟؟.. طب حضرتك وسيادتك وكلنا انبهرنا بجمال التصميم وقلنا معقول الجمال دا يبقي فى مصر !!!.. طب ايه رأيك بقي في جمال الواقع لما يتحقق برونقه وسحر جماله وجمال التصميم اللي انبهرنا بيه اللى بعون الله أصبح حقيقة .. ها هي فيلات جاردن سيتي الجديدة بوزارة الإسكان بالعاصمة الإدارية الجديدة .. تحدي جديد.. شعاع النور الذي ينطلق من جديد من قلب العاصمة الادارية الجديدة وعلي بعد ٥ دقائق من الحي الحكومي .. وزارة الاسكان تنير اول فيلا في الحي الخامس R5 جاردن سيتي الجديدة .. ده نموذج شطبناه ولسه الدكتور مصطفى مدبولى بيقول هنجود فيه أحسن وأحسن.. سمعونا تحيا مصر".