كشفت الفنانة شيرين عبدالوهاب، حقيقة ما تردد حول تصفيف «حلق» شعرها بمبلغ 3 آلاف دولار، مؤكدة أن تصريحها كان مجرد مزاح ليس إلا؛ بسبب تأثرها مثل باقي الناس بارتفاع الأسعار، معقبة: «كنت بهون على الناس ارتفاع الأسعار، أنا ممكن أدفع لتغيير اللوك لكن كل مرة اجي اعمل شعري مش هدفع المبلغ ده.. حرام الدنيا غليت والناس الغلابة عايشة بالعافية وبلاش استفزاز.. استفزني الكوافير لما قالى عايز 3 آلاف دولار ومش ممكن هصرف الرقم ده».وأضافت "شيرين" خلال مداخلة هاتفية مع الإعلامى عمرو أديب ببرنامج "الحكاية"، المذاع على قناة "إم بي سي مصر"، أن حملة الهجوم عليها أكبر من قدرتها على التحمل والاستيعاب، متابعة: "تعبانة من اللى بيحصل معايا، والحمد لله المؤمن دايما مصاب، وبقول يا جماعة عيب اللى بتقولوه عني ده انا من تراب البلد دي.. واعمل أي حاجة علشان البلد".وأردفت مازحة: "ممكن ألبس حزام ناسف وافجره واخد الشهادة واخلص علشان البلد، وكلنا خدامين للبلد".وفي مقطع مصور، تم تداوله على نطاق واسع على شبكات التواصل الاجتماعي، أجابت شيرين على سؤال لأحد معجبيها في حفلة رأس السنة بالقاهرة عن سبب قصتها الجديدة، قائلة إنها لجأت إلى "حلاق" زوجها المغني المصري حسام حبيب، بعدما طلب منها مصفف شعرها ثلاثة آلاف دولار نحو 54 ألف جنيه مصرى.