كشف نجم "آراب أيدول" محمد رشاد أخيراً عن عودته إلى خطيبته الإذاعية مي حلمي بعد أربعة شهور من الانفصال عقب إلغاء حفل زفافهما قبل موعده بدقائق قليلة، وأكد أنه تعلم الكثير من الدروس بعد "أزمة الغاء الفرح" وعرف "مدّعي الصداقة" على حقيقتهم، وطلب من جمهوره الدعاء له ولخطيبته بالخير. محمد أعاد مشاركة صور لم تنشر من قبل من حفل الزفاف كانت خطيبته مي قد نشرتها منذ يومين وعلق عليها برسالة مؤثرة عبر حسابه بموقع إنستقرام، وقال: أنا شفت شماته في أكتر يوم كنت بستناه مع أكتر بنت حبيتها فعمري كله وكنت بحسها بنتي وحبيبتي وصحبتي.صورة تنشر للمرة الأولى لمي حلمي من حفل الزفاف الملغى                                                 تابع قائلا: طبعا من وقت المشكلة اللي حصلت اليوم دا لحد النهاردة استفدت كتير من اللي حصل حواليا .. أولهم إن ناس كتير ممكن تبين فرحتهم وهما مش فرحانيين ليك من قلبهم دا تمثيل ووقت المشكلة بيتحول الفرح لتصفية حسابات على حساب أي حد .. أضاف: تاني حاجة ناس كتير بالذات فمجالي هتبين انهم اصحابك وبيحبوك وعايزين يفرحوك ووقت السبق هتلاقيهم أول ناس بيستغلوا الخبر عشان محدش يسبقهم ويبقوا أوائل الناس حتى لو بكدا بيخوضوا في تفاصيل حياتك الشخصية حتى لو بالكدب .. واختتم رسالته بقوله: فالأخر مش هيفضل غير اللي بيحبك وبيتمنالك الخير، الناس وآرائهم مش هيكملوا معاك حياتك بس اللي بيحبك وعايزك معاه هوا بس اللي هيفضل، اتمنولنا الخير ولكم المثل يارب. أغلب التعليقات أبدت سعادة بقرار عودة محمد رشاد رسمياً إلى مي حلمي ولكنهم طالبوه بالتوقف عن استعراض حبه وأن يتعلم الدرس الأهم وهو أن الحسد كان السبب الأول في إلغاء حفل الزفاف.