شعراء البحرين يهنئون سمو رئيس الوزراء بعد أن مَنَّ الله عليه بالشفاءالحمد والشكر.. للمولى على نعمته يملى فجوج البسيطه جال من بعد جال على سلامة سمو المجد.. من وعكته خليفة اللي سمى صيته بطيب الخصال اللي بذل طول عمره .. يبني بديرته حتى اصبحت .. للتمّيز والتّطور مثال! ما شفت له ندّ.. في جاهه وفي هيبته يذلل الصعب.. ويطوع عناد المحال لا طرّو الحلم.. تتجلى مدى حكمته وان طرّو العلم.. يتحلى ببعد الخيال اخذ من الغيم جوده.. والمطر رحمته ومن الشجر طبعه المثمر .. ومدّ الظلال! واخذ من الشمس بين العالم.. اشراقته ومن القمر.. نوره الساطع بسود الليال واخذ من الصبح يوم مقابله.. بسمته واخذ من الليل ستر الناس في كل حال وعند الصعيبه.. من شموخ الجبل وقفته وفي اليسيره من الماي.. القراح الزلال خليفه اللي وهب.. للعز من خبرته!! وشلون يصبح عن الخايب صعيب المنال خليفه اللي يقدي الحال.. في حنكته ويعدل المايله.. وقت النشب والجدال استملك قلوب.. كل الناس في طيبته كن القلوب ومشاعرها.. بحبه سجال ليته يشوف اشكثر.. نتشوّق لطلّته ووشكثر شعبه يراقب في.. رجا وابتهال! كأن صحت قلوب الشعب هي صحته من كثر ما لشعب يسأل عنه في كل حالمحسن الحمري جـــــــــابـــــــك الله..جابك الله وافرحت دار الخليفة بعد ما طاري المرض زل وجرحنا جعل ما مريت به وعكة خفيفة وجعل ما يرجع بعدها ينتهكنا بو علي يا صاحب النفس الشريفة يا الأمير اللي على العزّة.. جبلنا غيبتك.. كانت على شعبك كليفة ما غفت عين الوطن.. ولا غفلنا تصدح بدعواتها.. قلوبٍ نظيفة كم على غيبتك.. يا الوافي صبرنا يا أساس الطيب.. يا الروح العفيفة عاد يرزف من بعد شوفك أملنا رجعتك للدار محمودة ولطيفة رجعتك بلسم بسبته انشرحنا.. طال عمرك.. يا أمانينا المنيفة فدوتك.. لو تطلب الروح وعمرنا نحمد الله عالسلامة يا خليفة.. يا عماد الدار يا سبة فرحنا.. من لفيت وفرحنا زايد رفيفه في بلاد الخير.. يا عزنا وذخرنا محمد منصور آل مبارك وطــــنـّا خليفـــــهسلامتك يا بو علي والعنى زال والحمد لك يا رب وعكه خفيفه نفديك بالأرواح يا طيّب الفال حن آلك وحنّا عيالك خليفه يا سيّدي بك تنعقد كل الآمال خطاك كل الشر واخطاك طيفه يا آبوي لك في داخل القلب منزال قامت عليه ضلوع صدري مريفه سوّت عليه من الغلا لجلك ضلال عشان ما يزعجْك برده وصيفه يا بو علي لو للثقيلات مكيال متنك يسولف وش معاني كليفه ولو كان لاهْل الطِّيب دربٍ ومدهال ما آضن تنساك النفوس العفيفه حتى الوطن في غيبتك يشكي الحال وعيون ما شافت خليفه.... كفيفه يحق لي لا جيت ابوصفك واختال غلاك الاوّل ما ندور وصيفه قرّة عيون الشعب في كل الاحوال يا جعل عمرك ما يبيّن خريفه عطفك علينا بشت وانفاسك عقال وشلون ما نلبس محبة خليفهعبدالله خالد الخالدي سلامتكالشر ولّى وابتعد واميرنا قام بسلام.. سلامتك يا سيدي يا بوعلي سلامتك..الله بجيرك سيدي يا ذا الكريم ابن الكرام.. يا بو علي سلامتك يلي تعلت قامتك..مع غيبتك غاب الهنا وازدادت الدنيا ظلام.. ومع رجعتك عم الفرح واستبشرت منامتك..الله يزيدك عافيه ويمد في عمرك اعوام.. ولا تغيب عن الوطن ونشوفها ابتسامتك..يا ذا الامير اللي رقا بالمجد في راس السنام يالشامخ اللي شفتها فوق السحايب هامتكيلي تفك المعضله يا شايل حمولٍ جسام يا سيدي يا بو علي ما مثلها كرامتك..يا سيدي يابن العظام يا ذا الهمام ابن الهمام يالنادر اللي نادره يابن الاشاوس خامتك..يفداك غالي دمنا حنا لكم درع وحسام.. يلي تظللنا جميع في ظلها شهامتك..جمال العون