حرص وائل رياض شيتوس المدرب المساعد للمنتخب الأوليمبى نجم الأهلى السابق، على احياء ذكري رحيل ثابت البطل حارس مرمى الفريق الاسطوري ببعض كواليس اللحظات الاخيرة في حياة البطل.وكتب نجم الاهلي السابق عبر حسابه الرسمي بموقع التواصل الاجتماعي "فيس بوك": "قبل ما يتوفى كابتن ثابت البطل كان عندنا ماتش مع الزمالك وكنا فى معسكر قبل المباراة بثلاثة أيام فى 6 أكتوبر".وأضاف شيتوس: "ودار الحوار ده بين جوزيه وثابت.. جوزيه: خليك فى الفندق يا ثابت الدنيا برد جدًا عليك وأنت تعبان. ثابت: لأ انا لازم أبقى موجود مع الفريق أثناء التمرين. جوزيه: مينفعش الدنيا هنا مفتوحة والهوا شديد عليك. ثابت: طيب خلاص هتفرج على التمرين من الأوتوبيس. وفعلًا طلع كابتن ثابت الأتوبيس وقعد يتفرج على التمرين ورفض يروح الفندق. أما في يوم المباراة: جوزيه: يا ثابت من فضلك روح البيت اتفرج على الماتش فى التليفزيون ثابت: لأ دى مباراة مينفعش أبقى مش موجود جوزيه : إنت كده هتتعب ثابت: لو مشيت هتعب أكتر وجلس ثابت البطل على الدكة وشارك الفريق انتصاره على الزمالك، وكانت آخر لحظاته أثناء إعطائه درسًا فى الإخلاص والعطاء لآخر لحظات حياته.وتحل اليوم الذكري الـ 14 لوفاة حارس الاهلي الوفي يوم 14 فبراير 2005.