قال الإعلامي تامر أمين، إن الجماعات الإرهابية تستهدف القوات المسلحة المصرية والشرطة بالأساس، معقبا: «هما فاهمين إنهم كدا ممكن يكسروا الجيش أو الشرطة أو حتى العلاقة ما بين الشعب والجيش والشرطة».وأضاف "أمين"، خلال تقديمه برنامج "آخر النهار"، المُذاع عبر فضائية "النهار"،: «أنا مش عارف هما أغبية ولا بيتغابوا، الجيش والشرطة المصرية لن تقع حالته المعنوية، ولن يقعوا ولا ييأسوا، ولا الشعب هيقول الجيش وحش، ما حصلتش ولا هتحصل».وأشار: «يا إرهابيين يا أغبية واللي بيمولكم سواء قطر أو تركيا اللي بيستهدفوا أمن مصر، أنتوا محتاجين تفهموا كام مرة وتتعلموا كام مرة وتتقرصوا كام مرة علشان تعرفوا أن مصر عندها مناعة ضد القذارة والخيانة والعمالة».وأكد: «مش بنزعل أما يكون عندنا شهداء، إحنا بنتألم علي فراقهم، إحنا في مصر مواكب الشهداء بتزيدنا فخر وبتقل قيمتنا وترفع رقبتنا»، متابعا: «يوم بعد يوم معدن الشعب يظهر ويقوي ومعدن الجيش يعطي درسا لكل الآخرين، وهذا جيش لن ينكسر، وشعب لن يقهر».