أقدمت سيدة مصرية على رفع دعوى خلع ضد زوجها، بعدما ابتعد عنها دون ابداء أي أسباب من أجل الزواج بخطيبته الأولى. وعن التفاصيل، قالت الزوجة: ” في الأول كنت بحاول أدلع عليه وأخليه يحبني وأتعامل معاه كويس عشان أقرب منه، لكن كان بيضايق ويقولي مشغول ومبحبش كدا، حتى العلاقة الخاصة مكانش بيقرب مني إلا لما أنا اللي أطلبها منه ” . وتابعت الزوجة الحديث عن معاناتها مع زوجها، قائلة: “حملت بعد فترة عشان ألاقي حد يهتم بي، بس كانت غلطة، قالي مش عايز عيال واتفقت معاكي على كده من الأول، ومن حوالي 4 شهور رجعت من الشغل لاقيته بيقولي ممكن تروحي تقعدي عند مامتك كام يوم ” . واستكملت: ” الكلمة وقعت عليّ كأن عربية خبطتني.. طبعًا أخدت هدومي ونزلت وقولت أبعد شوية يمكن زعلان عشان حملت بدون إذنه، ومر شهر واتنين مبقاش يرد على تليفوناتي ولا رسايلي، ولما روحت أسأل عليه في الشغل اكتشفت إنه بيقضي شهر العسل واتجوز خطيبته القديمة في شقتي ” .