عبرت الإعلامية “بسمة وهبة” عن انزعاجها الشديد من خبر زواج الفنانة أنغام من الموزع الموسيقي أحمد إبراهيم. وقالت “بسمة” في بث مباشر عبر حسابها بـ”فيس بوك” : “الناس معترضة إن أحمد إبراهيم أصغر من أنغام بـ16 سنة .. فالناس بتقول : هي ملقتش غير دا؟ .. دا متجوز و ولد صغير ودلوقت مراته حزينة ومريضة وطالبة الطلاق وولاده هيتشردوا .. هل دا صح وينفع؟”. وأضافت: “مقدرش أسأل أنغام عملت كدة ليه؟ أنا مالي؟ .. هو أحمد إبراهيم عمل كدا ليه؟ .. لما ولاده يكبروا شوية هيعملوا ايه؟ .. ولو بتسأل رأيي كمذيعة مش هقدر أقول .. لأن أنغام زميلة ومينفعش أدخل في حياتها الشخصية لكن رأيي كإنسانة هتصعب عليا زوجة أحمد إبراهيم اللي مموتة نفسها وبيقولوا دي بتنتحر”. وتابعت: “أكيد مش هنبسط وأزيف وأقول أنا مالي؟ .. و واحدة بتقولي إن أنغام لسة منزلة بوست بتهني جوزها وباعتة رسالة تقول هي بتحبه قد ايه؟ .. طيب ايه رأيكم في الكلام دا؟ .. يعني أنا أبقى متجوزة واحد متجوز وبعدين أبعتله رسايل أقوله بحبك .. ايه يا جماعة دا ؟ احنا حانهزر؟ .. هو عند وخلاص؟” المصدر: المصريون