خلصتوا يا جماعة كلام ف موضوع التغييرات الوزارية ولا لسه ؟؟ لا مش معقولة كده ادوا فرصة لزمايلكوا م المواطنين…احنا ملناش نفس نهرى كلنا يعنى ولا ايه ؟؟ مش كفاية اخدنا على خوانة و ملحقناش نفتى شوية قبل التغيير …اه و بالمناسبة اسمه تغيير مش اقالة … عشان بس الصحافة الصفرا و الحمرا و الموف غامق تفهم ! خدوا بقى عندكو شوية ردود افعال من اللى قريتها انهارده …الداكطور طارق الزمر و صاحبه محمد محسوب كاتبين (سبب اقاله محمد ابراهيم هو عدم قدرته ع السيطرة ع الحراك الثورى ف الشارع ) حراك كفر ابو طشت انتصررررر يارجاااااله :))) واحد تانى اخوانى كاتب ( سبب اقاله محمد ابراهيم كان عشان التفجيرات الاخيرة لم تحصد اكبر عدد من الارواح ) ههههههههههههههه ايوه طبعا وماله ..تعالى انت بس يا قناوى البس البالطو و هنجوزك هنومة يا حبيبى :)))) واحد تالت بقى اذكى اخواته كاتب ( اوعي تفكروا أن السيسي شال محمد ابراهيم بمزاجه. لا دي بضغوط خارجيه و بالتحديد بتليفون من اوباما ) على يدددى اوباما قاعد هنا و السيسى قاعد هنا و اوباما على كلمة واحدة يانا يا محمد ابراهيم هههههه لا ده انت قديم اوى يا اخ ..عارف لو كنت قلت تليفون من رئيس موزمبيق كنت صدقتك :))) لا بجد مسخرة كم التعليقات م الاخوان و النشطاء جالهم سكته قلبية يا عينى نهايته يا جماعة … انا شخصيا احلى حاجة سمعتها ف التغيير ده هو استحداث وزارة للتعليم الفنى و التدريب .. خبر حلو بجد ..بس ياااارب و ما يكتر عليك ياااارب مايبقاش مصيرها زى اسم النبى حارسها بتاعة العدالة الانتقالية اللى لحد دلوقتى اموووت اعرف هى تبع وزارة العدل ولا المواصلات *** معلش يا جماعة صدعتكوا انا عارفة بعيد ميلادى ده بس اهو يوم ف السنه استحملونى مررررة من نفسى يعنى مجراش حاجة grin رمز تعبيري و احب بالمناسبة دى اشكر كل الناس اللى بتعيد عليا ..والله العظيم ف منتهى السعادة بكلامكوا ( بحبكوا كلكوا # هانى شاكر ستايل ) و برضه احب اشكر محمد صلاح اللى جاب جونين ف اليوفينتوس واللى طبعا عمره ما هينسينا الجون اللى جابه مجدى عبد الغنى :)) بجد والله الففففففففففففففففففف شكر • إعلامية بالتلفزيون المصري
مشاركة :