ناشد أهالي شارع يمين المحور بمنطقة أرض اللواء مسئولي محافظة الجيزة، بتوجيه سيارات النظافة ناحية شارع يمين المحور، حيث إن القمامة متكدسة هناك.وتقول «أم إبراهيم»، ٥٥ عامًا، «بصراحة دي مش عيشة ترضي حد، ولا بنعرف نفتح شباك ولا بلكونة بسبب الروائح المنبعثة من القمامة، هل دا يرضي ربنا؟ لازم المسئولين يشوفوا حل وتتشال بدل العذاب اللي إحنا عايشين فيه، لأن كلنا بنتعرض لانتشار الذباب الناقل للأمراض غير الحشرات اللى بتدخل وتبهدلنا، بجد أنا أعاني معاناة كبيرة من القمامة دى، يا ريت الحى يكتر صناديق فى كل مكان، وحد من عمال النظافة يأخذها كل يومين، بدل ما بنمشى وندوس عليها كده».