ناشد أهالى شارع جمال سالم بالدقى بمحافظة الجيزة، المسئولين بإزالة الأشجار العتيقة فى الشارع، والتى يتوقع سقوطها فى أى وقت، مما قد يودى بحياتهم، مطالبين مسئولى الحى إنقاذهم من هذا الخطر الذى يهددهم كل لحظة أثناء خروجهم للعمل أو الوقوف بالشارع، إضافة إلى القلق الذى يلازمهم على أطفالهم.يقول «إبراهيم»، 50 عاما، وأحد سكان الشارع: الشجرة لو وقعت علينا هتموتنا، وقدمنا بلاغات أكثر من مرة، ومحدش سأل فينا، بقينا بنخاف نقرب منها، غير أن الفروع كل فترة بتقع منها، وأكثر من مرة فى ناس كانت هتموت بسببها، ومن سنة وقع فرع علينا وأتلف عربيات الناس، وإحنا مش عارفين نعمل إيه.وأضافت «إيناس»: «أنا بركن عربيتى وبكون خايفة الشجرة تقع علينا أو على العربية أو المارة بالشارع لو وقعت الشجرة فى أى لحظة هتموت أى حد معدى، والحى كان هنا بيزيل شجرة، لكن لم يقم بإزالة الجزء الواقع فوق، وعندما طلبت منهم قطع التانية عشان دى خطر علينا وعلى الأهالى قالوا: «لما تقع هنيجى ونشيلها» لو وقعت وحدها هتتسبب فى موت حد فينا، أو إتلاف أى شىء تحتها، وطول الوقت أنا بخاف على أولادى وعلى السكان يطلعوا يقع عليهم فرع أو يصيبهم أذى منها.ونناشد المسئولين من أجل هذه الكارثة التى ستتسبب فى أذى الكثير أولهم أنا وأولادى، مفيش حد من المسئولين بيسمع صوتنا.