نفى المطرب حسام حبيب، محاولته الصلح بين زوجته المطربة شيرين والمطرب عمرو دياب، مضيفا: "محاولتش اعمل كدة لكن فى ناس حاولت، والوضع أصبح مختلف، ومش هبقى حقانى لان شيرين حبيبتى، ومش هقبل ان عمرو يقولى اصل هى غلطت فى كذا، انا كرجل هرفض ان حد يكلمنى عن مراتى حتى لو غلطانة".وأضاف "حبيب" خلال لقائه فى برنامج "عايشة شو" المعروض على قناة القاهرة والناس، قائلا: "شيرين كانت بتهزر، وانا عارف إنها غلطانة، وهى قالت الكلام ده فى فرح كان فيه ناس اصحابنا، ومنهم أشخاص يظهروا أنهم كويسين لكنهم عكس كدة، بعدما ما قاموا بتصوير فيديو بشكل خاص عشان يتسببوا فى مشكلة بين مطربين كبار، واللى عمل كدة شخص مريض، وشيرين كانت بتهزر هزار كلنا بنعمله، وعمرو دياب مكنش حاضر الفرح، وانا لو مكانه اكيد هزعل".