نشرت الإعلامية سالي عبد السلام صورتها مع شقيقها عبر صفحتها الرسمية على انستجرام ، ووجهت له رسالة مؤثرة بمناسبة عيد ميلاده .وقالت عبد السلام : " أخويا بحبك فى الله اللهم_بارك جوزائى بيغلط و مبيقولش سورى! مبيسمعش كلام حد وبيضايقنى وبيجرى بالعربية ربنا يهديه وبنتخانق جامد وببقى نفسى مكلموش طول عمرى بس مبقدرش".وتابعت: " بحبك اكتر من ابوك وامك زى ما بقعد أقولك أحلى هدية جابوهالى وجيت ومعاك هدية و فاكراك انت اللى جبتها بجد عشان كده مكنتش بضربك و اتغابى عليك و اقول عيب الراجل صاحب هدية وموجب معانا واخاف تاخدها و أكلك بإيدى واخد بالى منك وطلعوا هما اللى جايبين الهدية وقالوا لى انك جبتها معاك من جوا".وأضافت : " الراجل اللى اديله عمرى والله اديه ليك وهفضل طول عمرى ابديك عليا واعيش اشوفك احسن منى فى كل حاجة عشان انت احلى حاجة..بيقولوا دلعتك! وهفضل ادلع فيك طول عمرى برضه عشان انت ابنى مش اخويا مع ان ساعات بحس انك الكبير عشان اعقل وأتقل منى ".وأضافت : " ربى يخليك ليا طول عمرى وما يحرمنى منك ابدًا يا حبيبى يا رزقى انت رزقى فى الدنيا دى يا رب الآخرة سوا بإذن الله فى الفردوس الاعلى".