قال اﻻعلامي عمرو الليثي، في مقدمة برنامج "واحد من الناس" المذاع على النهار، أننا في حلقة خاصة الليلة ونحكى حدوتة اجتماعية درامية مليانة اثارة وتشويق، حدوتة انفردنا بها حصريا طوال شهر رمضان على شاشة قناة النهار وحققت نسب مشاهدة عالية جدا.وتابع الليثي: "الأهم من كدة أنها أثارت الجدل على صفحات السوشيال ميديا لأنها كانت دراما مختلفة عن أعمال كتير شفناها قبل كده، حدوتة بطلتها نجمة من طراز خاص بتبهرنا دائما بجرأتها في اختيار أدوار محدش يتوقعها أو يتخيل أنها ممكن تعملها، وبتجسد كل شخصية بتمثلها بمشاعر صادقة وأحاسيس حقيقية والاهم من كدة أنها بتعيش تحت جلد الشخصية بكل كيانها واهتمامها وموهبتها الكبيرة".وأضاف: "إننا نتناول تفاصيل وكواليس وأسرار مسلسل (حدوتة مرة) اللى قامت ببطولتة النجمة الجميلة غادة عبد الرازق واللى منورانا في الاستديو ومعاها مؤلف العمل الفنان عمر عبد الحليم ومخرجته ياسمين أحمد كمال، اللى كتير من النقاد اعتبروها أحد مكاسب الدراما الرمضانية السنة دى".