أعرب المنتج وليد منصور، عن فخره وسعادته بخوض تجربة إنتاج فيلم "البدلة" للنجم تامر حسني، وذلك لما حققه من إنجاز لأول مرة يُحقق في تاريخ السينما العربية من حيث قيمة الإيرادات.وكتب وليد، عبر حسابه الشخصي بـ"الفيسبوك": "من اهم المحطات اللي حصلت في حياتي في مجال الإنتاج السنيمائي فيلم البدلة علشان بالفيلم ده قدرنا نوصل بفيلم مصري لرقم مصري عربي اول من نوعه لم يحدث من قبل علشان الفيلم يحقق أعلى إيراد في تاريخ السينما المصريه و العربيه و يتخطى ١٥٠ مليون جنيه، حاجه عظيمه لما اعرف ان تامر الفنان الوحيد اللي حقق ارقام العندليب الأسمر عبد الحليم حافظ و تخطاها ربنا يكرمنا ونقدر نكسر الرقم ده أنا وتامر تاني و تالت مش علشان تامر نجم كبير بس عشان هو انسان طيب و بيحب صحابه بجد و بيحبلهم الخير و طبعاً بجد بيمتلك شعبيه رهيبه داخل مصر و خارجها ربنا يكرمك يا تامر انا صديقك آه بس طول عمري فخور بيك و من محبينك و مش هنسى وقفتك معايا و ربنا يباركلنا في قرفتنا الجميله الحلوه مع بعض و بالتوفيق يارب في فيلمك القادم".وأضاف: "معرفش حسيت عاوز أقول كده فقولت، وطبعا احب اشكر كل من شارك استاذ ايمن بهجت قمر المؤلف الكبير وأستاذ ماندو العدل المخرج والنجم حبيبي وصحبي اكرم حسني اللي تألق بشكل رهيب والنجم ماجد المصري والنجمه أمينه خليل والنجم محمود البزاوي والنجمه دلال عبدالعزيز ومدير التصوير الشاطر احمد فهيم و مهندس الديكور المحترم رامي دراج وكل فرد شارك في هذا العمل بجد وأعضاء شركتي اللي تعبوا بجد".جدير بالذكر أن فيلم "البدلة" من بطولة نخبة كبيرة من الفنانين أبرزهم تامر حسني، أكرم حسني، أمينة خليل، ودلال عبد العزيز، والفيلم من تأليف أيمن بهجت قمر، وإخراج ماندو العدل.