دافع الإعلامي أسامة كمال، عن أداء لاعبي منتخب مصر الأول لكرة القدم في بطولة كأس أمم افريقيا 2019، والمقامة حاليا في مصر.وقال كمال، في برنامجه «مساء DMC»، المذاع عبر شاشة «DMC»، مساء اليوم الثلاثاء، أنه :"معروف عن البطولات المجمعة أنها مش للحرفنة لكن للى يقدر يجيب أجوان؟ طبعا عارفين إنه ياااااما ناس بتدخل تسخن وتهد فينا لكن للأسف ناس كتير بحسن نية بتساعدهم".وأضاف مقدم برنامج «مساء DMC»، أنه :"كسبنا زيمباوى والكونغو الديمقراطية وأوغندا؟ معلومة صحيحة 100%، لا شك فيها. بس اللعيبة لسة مش شايفة بعض، لضيق مدة المعسكر، لنهاية الموس في أوروبا والدليل شوفوا واحد زي ساديو مانيه".وأكمل الإعلامي :"ممكن نكون قلقانين من اللي جاي ودة مقبول، بس تمام نخللي اللي بيدعي يكمل دعا، واللي بيصحح أخطاء يكمل تصحيح، واللي بيبذل مجهود يبذل أكتر واللي مش عاجبه، يقول الكلام دة بينه وبين صحابه مش على فيس بوك وتويتر وانستجرام".