رفض الإعلامي أسامة كمال، النقد الواسع على اداء المنتخب الوطني الأول لكرة القدم في بطولة أمم أفريقيا المقامة في مصر.وقال كمال، في برنامجه «مساء DMC»، المذاع عبر شاشة «DMC»، مساء اليوم الثلاثاء، إن :"منتخبنا الوطنى فى دور الـ 16 بالفوز على أوغندا 2 صفر وأحسن بوست شفته كان البوست اللي بيقول لو سمحت أنا عايز اللي بيدعي للمنتخب يدعي لي أن كمان".وأضاف مقدم برنامج «مساء DMC»، :"دة من ضمن بوستات دالة على عدم رضا الناس عن أداء المنتخب رغم إننا حققنا العلامة الكاملة بـ3 انتصارات متتالية ورقم قياسى أضيف لأرقامه القياسية باحتفاظه بالانتصارات فى الدور الأول 15 مباراة متتالية".وتابع الإعلامي: "بس مش معنى الكلام دة إننا من أول يوم امم افريقيا، مع الاعتراف أن منتخبنا آدائه وحش، بس هو أول مجموعته، لكن إن رأى السوشيال ميديا وناس كتير هو هجوم زايد أوي ع الفريق بشكل مبالغ فيه".وأكمل :"المثير للعجب ووجود بوستات كتير من ناس بترشح وتدعم فرق تانية للفوز بالبطولة لأن منتخبنا بيكسب بالحظ وكبيره دور الـ ١٦ فدة بيفكرني بنغمة 2006 لما كانت الناس دايسة ع فكرة انهم بيكسبوا بدعا الوالدين وقتها كنا بنقول ان اللى خرج من السبوبة بيهاجم لأنه كان عايز حتة من التورتة".وأشار إلى ان :"الكلام دة أكيد بيوصل للفريق، وأكيد كم التعليقات على فلان وعلان بتوصلهم، هو دة اللي عايزينه من لعيبتنا؟ هي دي الروح المعنوية اللي بنرفعها؟ معروف عن البطولات المجمعة أن المستوى بيطلع من مباراة لمباراة والسوشيال ميديا بتهاجم من أول مباراة".