نشر الفنان كريم فهمى صورة لـ مروان محسن لاعب المنتخب المصرى عبر حسابه على موقع التواصل الاجتماعى إنستجرام، ليدافع عنه بعد الانتقادات اللاذعة التي تعرض لها فى الفترة الاخيرة وتحديدا مبارايات المنتخب فى بطولة كاس الامم الافريقية وصيامه التهدفى. وعلق فهمى قائلا: "الناس اللي بتنتقد مروان محسن محتاج أسألهم كام سؤال، 1- انت بتفهم كورة؟، و2- لو بتفهم طب تعرف إن مروان مفيش حد من خط النص بيوصلوا كورة؟، 3 - طب تعرف لو أحسن مهاجم في العالم مش هيعمل حاجة بطريقة لعب أجيري أو كوبر اللي قبله".وأضاف فهمى قائلا : "4- تعرف إن مش وقت انتقاد لأي لعيب ولا للجهاز لأنه مش وقته؟، أنا شخصيًا بدعم مروان محسن لأني شايف تحركاته هايلة وعنده روح كواحد لعبت كورة 10 سنين في أندية ومنتخب، عشان محدش بس يقولي ايه اللي فهمك في الكورة، وآخر سؤال ياللي بتنتقد مروان إنت بتفهم في الكورة؟".يذكر أن كريم فهمى يقوم حاليا بتصوير فيلم "ديدوط" ويشاركه البطولة فيه شيكو وهشام ماجد وأحمد فتحى.