ناشد سكان شارع المرور بمنطقة الدقى محافظة الجيزة، في رسالة لخدمة القرّاء التي يقدّمها موقع "صدى البلد"، مسئولين الحى، التدخل لحل أزمة تراكم أكوام القمامة بالشارع، مطالبين بتطهير وتنظيف الشارع، بالإضافة لضرورة حل ظاهرة الكلاب الضالة التى انتشرت حول أكوام القمامة.وقال عمر محمود فى شكواه: الزبالة منتشرة فى الشارع وتقدمنا بأكثر من شكوى للمسئولين بالحى لإيجاد حل لهذه المشكلة ولكن لم يهتموا بشكوانا، وأحيانًا نجدهم مهتمين بالشارع جدا، بس للأسف لازم نفضل نقول المشكلة أكتر من مرة عشان يحصل الحل، أو لازم تحصل كارثة عشان المسئولين يهتموا، فمن كام شهر فى الشارع هنا، فضلنا نقول الأشجار، وأشجار الموت هتقع علينا، وتسبب مشاكل كبيرة ومحدش كلف خاطره يشيلها".وأضاف: "قدمنا شكاوى وعملنا مناشدات واتكلمنا مع بتوع الحى واهتموا وشالوا الأفرع بعد أن سقطت شجرة على سيارة وكسرتها، والحمد لله محدش كان فيها أو قريب منها وقفلت وقتها الشارع و التنظيف اليومى للشارع مش هيكلفهم جهد أكتر ما هيسيبوا القمامة فى الشارع متراكمة واللى هتكون سبب فى مشاكل كتير، منها تعطيل المرور والكثير من الأمراض، التى قد تكون مميتة بالنسبة لأطفالنا".ويقدّم موقع "صدى البلد" الإخباري، خدمة لاستقبال شكاوى القراء والعمل على حلها مع المسئولين من خلال الخط الساخن 5731 و01025555056 أو من خلال رقم الواتس آب 01006735360