قالت الفنانة نشوى مصطفى، إنها مطلوبة بشكل دائم للعمل في الدول العربية، معقبه: «مش بتطلب في مصر».وأضافت "مصطفى"، خلال مداخلة هاتفية ببرنامج "حضرة المواطن"، المُذاع عبر فضائية "الحدث اليوم"،: «الوسط الفني في مصر له قوانين، وكنت اسمع دائما أن هناك أساتذة كبار عندما يطول بهم العمر يتم تجنبهم»، وقالت: «أنا دخلت المجال وأنا عارفة إني هوصل سن معين وبعدين هيقعدونا علي دكة الاحتياط».وتابعت: «أنا بمارس الفن اللي بحبه سواء في الدول العربية أو في المسرح، وبستمتع بفني في حدود إللي إيده تملكه».وأوضحت: «بعد ما غنيت في فرح ابني، لقيت رد الفعل انتشر لدرجة إن قنوات عربية كلمتني وعملوا معايا مداخلات، وناس من إيطاليا كلموني، وأنا مكنتش أقصد حاجة غير إني أفرح أهلي وأصحابي».وأضافت: «لقيت متعهد حفلات بيتصل بيا بيقولي فيه فرح وعايزينك تعملي ليهم أغنية، وقالي مبلغ عالي جدا، وقالي أنا لى نسبة 10% من الرقم كمتعهد»، متابعة: «اعتذرت عن العرض لأنه مش شغلي إني أغني في أفراح».