كشفت الفنانة شهيرة عبر صفحتها الشخصية على موقع التواصل الإجتماعى" إنستجرام " عن تفاصيل آخر لقاء جمعها بالفنان فاروق الفيشاوي قبل وفاته. وكتبت قائلة: ""فاروق أنت مشيت، هو كده خلاص يعني؟! يا أجدع وأحب خلق الله من إمبارح وأنا مش مصدقة؛ لأن قبلها بيوم كنت عندك في المستشفى وكانت الزيارة ممنوعة بس أنت لما عرفت إني موجودة طلبتني أدخلك وقضيت معاك فوق نص الساعة من المرح والضحك وكأنك لست مريضًا في حالة خطرة".وتابعت: "كنت قويًا ومتجاهلًا ما أنت فيه، وتحكي حكايات من هنا وهناك كأنك تعاني من نزلة برد و نزلت من عندك راضية بروحك المعنوية المرتفعة" .وأضافت: "لذلك كانت صدمتي كبيرة لما بسأل عنك تاني يوم قالولي أنتِ آخر صديقة شوفتيه في حالته الطبيعية؛ لأنه النهاردة راح في غيبوبة، طب إزاي ده كان كويس إمبارح بروحه العالية ده كان بيضحك ده كان بيحكي على نوادره مع صديقه محمود الجندي وعلى فلان وعلان" .وتستكمل: "طب إزاي بسرعة كده. طب إزاي إزاي! سبحان الله (بين طرفة عين وانتباهتها يغير الله من حال إلى حال) دموعي تتسابق مع نفسها ولا تريد أن تهدأ" .وأضافت: "طب إزاي وأنتَ من أعز الأصدقاء للعيلة كلها وانهيار ابني عمرو بالبكاء عندما رأي النعش بتاعك أمامه، وشريط ذكريات أونكل فاروق أمامه، الشهامة و الرجولة والجدعنة".واختتمت حديثها : " أنت يا فاروق صاحب المواقف الصعبة مع كل الناس، مستحيل لم تترك بصمة مع كل من عرفك واقترب منك. مع السلامة يا حبيبي، اللهم تقبله بقبول حسن وسامحه واغفر له واعفُ عنه واجعل ليلته أجمل ليلة وثبته عند السؤال ونور قبره واجعله روضة من رياض الجنة فليس هناك "أحن منك علينا يا رحمن يا رحيم"