نعت الفنانة المصرية شهيرة ، وفاة زميلها الفنان الراحل فاروق الفيشاوي ، عبر رسالة مؤثرة بمواقع التواصل الاجتماعي . وكشفت شهيرة في الرسالة عن حالة الراحل الفيشاوي في الأوقات الأخيرة من عمره ، وكتبت: ” فاروق انت مشيت، هو كده خلاص يعني، يا أجدع وأحب خلق الله؟ من امبارح وأنا مش مصدقة لأن قبلها بيوم كنت عندك في المستشفى وكانت الزيارة ممنوعة، بس انت لما عرفت اني موجودة طلبتني أدخلك وقضيت معاك فوق النص ساعة من المرح والضحك وكأنك لست مريضاً وفي حالة خطرة ” . وأضافت ، ” كنت قوياً ومتجاهلاً ما أنت فيه وتحكي حكايات من هنا وهناك كأنك تعاني من نزلة برد ، ونزلت من عندك راضية بروحك المعنوية المرتفعة، لذلك كانت صدمتي كبيرة لما بسأل عنك تاني يوم قالولي إنتِ آخر صديقة شوفتيه في حالته الطبيعية لأنه النهارده راح فى غيبوبة ” . وتابعت ، ” طب ازاي ده؟ كان كويس امبارح بروحه العالية، ده كان بيضحك، ده كان بيحكي على نوادره مع صديقه محمود الجندي وعلى فلان وعلان، طب ازاي بسرعة كده؟ طب ازاي ازاي؟ سبحان الله (بين طرفه عين وانتباهتها يغير الله من حال إلى حال) ” .