ناشد سكان شارع حسين كمال بمنطقة بين السرايات في الجيزة، المسئولين بحى الدقى التدخل لإنهاء معاناتهم مع أكوام القمامة المنتشرة بالمنطقة، والتى تتسبب فى انبعاث روائح كريهة وأمراض وحشرات، مطالبين بالاهتمام بالنظافة حتى لا تصبح الحياة بدون طعم ولا معنى.يقول هاشم محمد، أحد سكان المنطقة: «بيكون فى قمامة قدام المنازل أحيانا بتتراكم بشكل كبير ودا بيخلينا نخاف على أطفالنا من الأمراض أو أنهم يقربوا منها بسبب الحشرات، الموضوع حله بسيط، وهو تواجد عمال نظافة بشكل مستمر ومتكرر فى الشارع، ومش هنلاقى قمامة موجودة، والحل التانى يوفروا صناديق قمامة فى الشارع».وقال عمر أحمد: «أنا مجرد ما أفتح الشباك أو البلكونة بكره حياتى من المنظر ده والريحة اللى داخلة علينا، خاصة أن الزبالة بتقعد بالشهر ما بتتشالش وبتزيد والناقص تدخل أوض نومنا».حازم محمد: «مشكلة طبعا عارفين أنها مش هنا بس، دى مشكلة معظم شوارع مصر، بس يعنى المفروض إن منطقة بين السرايات بالقرب من جامعة عريقة زى جامعة القاهرة، ويتم مواصلة العمل فيها من خلال الحى، ودا هيحدث فعلا لو تم تكرار زيارات عمال النظافة بشكل يومى أو حتى شبه يومى يعنى لو كل يومين كدا كانوا بيمروا الوضع هيختلف، أكيد إحنا كأهالى مش عايزين نشوف المنظر دا، وأحيانا فى ناس كتير بتيجى تنضف وتشيل الزبالة، غير كدا فى سكان إيجابيين بيشيلوا القمامة بنفسهم».