رفض فاروق جعفر نجم الزمالك السابق الاتهامات التي وجهت له منذ أيام من البعض بأنه طلب تعيين نفسه مديرًا فنيًا للفريق خلال وجوده في اللجنة الفنية بالنادي منذ فترة.وقال فاروق في تصريحات إعلامية: "عمري ما رشحت نفسي أن أكون مديرا فنيا، اللي بيقول كدة كدابين، اللجنة الفنية كانت بتقول حاجة والإدارة بتقول حاجة تانية وتنفذ اللي هي عايز تنفذه.وأضاف "الصح غنك لو غلطت في قراراتك تطلع تقول أنا غلطت مش ترميها على ناس تانية".وتابع فاروق جعفر "آخر مرة اشتغلت في الزمالك كان رئيس النادي الحالي هو الموجود وقتها في 2007 تقريبًا، مأخدتش مليم واحد ولما طلبت الرحيل قالي أنت مرتبك 150 جنيها في الشهر".وأشار فاروق "أنا مش بخاف من حد وبقول الحقيقة بس كلامي مش بيعجب حد، اللجنة الفنية موجودة وحازم إمام وأيمن يونس يشهدوا، محدش فينا طلب إنه يشتغل في النادي".