قالت هويدا حسني، أشهر جزارة في البساتين: إنها ورثت موضوع الجزارة عن والدها وجدها منذ أن كان عمرها 10 سنوات، مشيرة إلى أنها ذهبت إلى المذبح وتعلمت كل شئ في الجزارة حتى "أصبحت معلمة كبيرة في السوق وليها اسم وكل سكان المنطقة يعرفوها".وأضافت "هويدا"، خلال لقائها ببرنامج "من أول وجديد"، المذاع عبر فضائية "الحدث اليوم"، والذي تقدمه الإعلامية نيفين منصور، مساء اليوم الأحد: "قطعة اللحمة بالنسبة لي كأني بفصل فستان وكنت بهتم جدا بشكلها وهي متعلقة لأني بميز الجزار الشاطر من تعليقة اللحمة، ومكنتش بضحك على حد في البيع والشراء لأني عندي ضميري وسمعتي أهم حاجة ودول كنزي في الدنيا وكفاية الناس اللي كانت بتسيب كل الجزارين وييجوا يشتروا من عندي لأني عملت اسم كبير في المنطقة".وأوضحت: "اتجوزت بعد شغل 7 سنين في الجزارة، وجوزي كان جاري في المنطقة ووالده كان بيشتري مننا اللحمة، وجوزي كان مزواج وكان بيحب الستات وأنا الزوجة السابعة بالنسبة له، وكان بيتجوز ويطلق كل كام شهر"، معقبة: "أنا كنت الجوازة الأخيرة بالنسبة له وقضيت معاه 25 سنة لحد دلوقتي وتوبته عن صنف الحريم خالص، وربنا مرزقوش بولاد من زوجاته كلهم إلا مني وقدرت اجيبله العيال".وتابعت: "رغم أني كنت جزارة إلا أن جوزي مكنش بيخاف مني وكان بيضربني كل علقة والتانية، لأن عيلتنا كانت بتقدر جدا الرجالة وتديهم قيمتهم"، معقبة: "كنت بشيل حديد وأنا صغيرة".